KHUGA SADAR PRESBYTERY - Chanchin 1957-2019
2024 KSP Office Bearers :-
Moderator - Rev. Siama Phaltual
Moderator Elect. - Upa Benzamin
Secretary Sr. - Rev. Pauneithang
Secretary - Upa Lamkhanthang
Secretary Jr. - Pro. Pastor Khaiminlun
Finance Officer - Upa Genhau
Statistician - Upa Khomlunlal
Executive Secretary - Rev. B. Lala, (2023 2025)
Report chawmkim:
1. KSP Office Staff zat chu 8 ahi.
2. Teacher semtu pasagi (7) a nei hi.
3. IGP Building, Tuibuang ah Dukan thei dinga Room 7 anei hi.
4. Mission Field Tispari ah Quarters leh Mission School nei hi.
5. Sunday School Piting leh Naupang ah a chiapi jel hi..
6. Mission School pani anei hi. Ziate chu (i) Tonglon 'D' Mission School and (ii) Presbyterian Mission School, Tispari.
7. Mission & Evangelism nuai in semtu 5 a um hi.
8. Gospel Monthly magazine 'Damna Aw' a nei hi.
TULAI TAKA PASTOR BIAL NEI DAN:
BIAL CENTRE
1. Tuithanak Pastor Bial Tangmual
2. Town Pastor Bial Nghathal
3. Khuga Pastor Bial Kangvai
4. Sadar Pastor Bial Leilon
Chun, KSP in Manipur pawlam ah kochuam Shillong anei in Pastor khat in a enkawl hi.
COMMITTEE CHUAM CHUAMTE:
1. Standing Committeee
2. Sub-Pastoral Committee
3. Mission & Evangelism Committee
4. Relief & Development Committee
5. Trustee Committee
6. Pension Board
7. Sunday School Committee
8. Finance Committee
9. Nomination Committee
10. Education Board.
History:
Khuga Sadar Presbytery thubul i gending ahi chun, Manipur North East lam ah chanchinpha lutdan leh Manipur simlam gam ah alut dan gen masak ngai in a.
Manipur North East ah chanchinpha pawluttu Arthington Aborgines Mission in a sawl william Pettigrew chu Jan. 6th 1894 ah Manipur khawpi Imphal ahung tunga, a lemchanglo deu ziakin 1896 January in Ukhrul Manipur North East chu a tunga, Tangkhul,Naga, Kuki leh midang dang kiangin chanchinpha thaichi chu tu pat ahi tai. Zia chu Manipur ah chanchinpha a hunglut khatveina ahi. Zia Manipur North East a Kochuam umte hi Baptish Mission ahi deu pen ui.
Manipur simgam ah chanchinpha hung lut dan chu kum 1904 in Wales gam ah, halna (Revival) a tunga, zia na chu piangthakna changtu mi pakhat amin Watkin Robert (Sap Tangval) apat ahi. Kum 1907 ah Keswick convention (England) ah anei nau a chun India gam ah chanchinpha gen akul zia nasatak ah gen ahi. Watkin Robert chun India gam ah hung chu atup ta, Dr.Peter Erazer tawh Aizawl in ahung ua,15th May 1909 in Manipur ahung phau, zia chung a chun van pua ah pang Pu Thangkai leh Pu Lungpau te chu Christian ah ala ki petau ahi. Manipur simlam gam a chun Christian masapente ah record ahi. Watkin Robert chu Aizawl atun kit nung in Senvon hausapu Pu Kamkholun chun Manipur hung tawh kit ding in a chial a, 7th May 1909 in Senvon khua a hungtung hi zia kipat chun Manipur Simlama chun chanchinpha thu gen chu aphu detta ahi. 7th May chu NEIGM chu kumsin in Missionary day in amang uh ahi.
1913 kum in Watkin Robert chun a Mission min chu “Thado kuki Pioneer Mission” asak a,1924 kum in North East India General Mission ti in athem kik ahi.1930 kum in NEIG Mission akekzak kit tai. NEIG lam ah pang leh Watkin Robert lam ah pang a hung um tau ah,Watkin Robert lam ah pangte chu Independent church of India(ICI) tia siamphat kit ahi. Hun hung chia zelin 1968 ah ICI kekzak kita. ICI min pulote chun amin ding un Evangelical Free church of India (EFCI) min apu tau ahi.
Tichun, 1930 kuma NEIG Mission kekzak,Watkin Robert panpi Independent church ah um Vaipheite chun lemchanglo ah hian, ki Inn chuan avaihawm tau a, zia kipat chun Mission zawp ding hawl in CHT Synod ate Mizoram Synod ate. AW nei in a um ua, Mission a hawlnau ua zuitak asak pen uh chu Welsh Mission ahi. Mizo Synod ah AW anei uh chu Mizoram Synod in ngaikhawk in Rev. Challiana leh Rev.Thanga ahung ua Saipum ah Meeting conference 12th May 1957 ah nei ngal ahi. Upa Kamtinthang chun “Pute haw ikizawmmai ding uh hilo ding ahem? atia. Rev.Thanga chun “Nangun lei ko ua kei un, ka heu a ka hung uh ahi.” atia A umzia chu Nangun lei ko ua, lem kasau ahi, kapawm ua, ka hung uh ahi. tina ahi. Ziaziakachun, 12th May 1957 hi KSP, Foundation day tilo theilo ahi.
Tichun, 1958 ah conference khawmpi niveina nei ahi. Unau (JCA) MCC. Kitite le Welsh Mission zawp anawp ziak un zia conference ahin ahung pang ua Khuga Sadar ti min hin huapzolo deu ah ngai in, chutichu ahileh i leng ua eihuap vek ding in MGP. (Manipur Gam Presbytery) ti hitiu ti’n Hotu Siakzalam in atia, zia chu apawm tanggual thei tau ahi. Zia hun lai achun, Unau Zoute chu JCA. Jou Christian Association ti min kivua ahiu.
Manipur Gam Presbytery hi Unau jou (MCC) te a ahi pua, KSP in MGP hi anaupa a inchuanna chu ahi zawi. A naupa anutsia ahi.1965 ah Tuaitengphai khawmpi a khan le Rev. Tongkhosat A.O. in “MGP hi la naupau JCA te hi nutsia mai un” atia Rev. Liankhopau in “MGP hi inchuanna’n ka mang ui, I inpiu KSP kei un nek hun hawltang kau, Mangpha atia. Rev.Tongkhosat A/O tawh Rev. Liankhopau makai in Tuaitengphai khawmpi nusia in KSP Office MDU kizuan ahi. Zia ni a chun KSP phudet dingdante genkhawm ahi.
Khuga Sadar Presbytery hi kuate ahem iti leh,1930 kum ah NEIG lam ah pang leh “Watkin Robert lam ah pang” tia igen tak kha, Watkin Robert zui ah Independent church kiti Vaiphei pau mangte 1957 kum ah kipat inchuan dawkte chu ahiu. Dt.12th May 1957 ah Saipum khua khawmpi khatveina mang ah Mizoram Synod in apawmte chu KSP hi ahi.
Achunga i gentak gual in KSP Khawmpi niveina 1958 kum ah unau jou (MCC)kititen ei hun zawp phat un KSP chun ei huapzolo ah ngai in MGP ah san ahin, maleh 1965 ah Tuaitengphai khawmpina ahung kikhen kitta,Vaiphei pau mangte leh Kuki pau mangte chun KSP min ngaima hungkipaw kit in zia pat chun bial le anuai ah gual hin siamlem (Lemtuak) ahi tai.
Abial nei te:
1. Leilon bial
2. Phailengjang bial
3. Kangvai bial
4. Lingsiphai bial
5. Thangting bial, a lim a guat dan
Anung in zia gual hin abial min chu saan danglam ahung hikit ta ahi
1. Leilon bial...............................................Kobru bial
2. Phailengjang bial...................................Sadar bial
3. Kangvai bial ...........................................Khuga Bial
4. Tuithanak Bial .......................................Tuithanak bial
5. Lambulane bial .....................................Thangting bial
Bial chu siamtuak ahi nung in, anuai ah hun leh ni ahin phudetna KSP Moderator Upa Kamtinthang leh P/Pastor Haukham Sr.Secretary malatna leh KSP thuneina in phudet ahi.
Abial Centre mun chiat ah anuai a gual ahin nei ahi.
Bial min Bial Centre Hawn ni.
1. Kobru Leilon 30/04/70
2. Thangting M.Lambulane 19/04/70
3. Sadar Gotangkot 06/06/70
4. Tuithanak Mualkot 24/10/70
5. Khuga Kangvai 31/10/70
Sadar bial alim ah Phailengjang bial kiti pen kha,abial mite kochuamte pawl dang ah apemlut tak ziakun Kobru bial ti pen hi Sadar tia 9th April 1986 standing committee nan then ahi.
KSP CHA HIN DAW:
Thangting bial alima Lambulane bial kitipen hi, kochuam khangto, bial khangto tak ahin, Presbytery khat ah siamthei ahung hitak ziakin KSP phalna ah inchuanna nei in Dt. 22/4/1979 zinglam dak 10:30 in Synod thasang in Rev.Haukham in Mata Lambulane ah hawn na anei ta ahi. Zia apat chun Mollhangphai Presbytery min apu tai. MLP chu hun chawmkhat chia hawiziang maleh Pastor, Upate, KCC, leh KBC ah atai lutziak un Synod in animated suspension ah hun chawmkhat sung kawi in, a enkawl in. Dingthei kit ding din mun ah ahung um kit phat in Synod in animated suspension lip in Dt. 30/11/1996 in Khaupijang ah Synod thasang in Moderator Rev.Haukham ma ma in hawn na aneikit ta ahi. Ahinla MLP hi dawigual ah chialo in tuhin ECA kochuam bel in a pawttau ahi.
Pathian in a kochuamte hezing in KSP inle malam sawnto zel in, kochuam member pungto zel in a um ahi.
Lalpa’n a kochuamte haksatna lampi ah a chialai inle a hejinga, zia apat chun lampi nawpna’n a puijel sek hi. Taksa lamin KSP hi musit um gual in kilang maleh Lalpa zalin tuhin ettawn tak kochuam ahung hita ahi. Lalpa Lopina changta hen!
