Mission chun gamthim lam nasep a huap in, ahi vang in ahun tiang aum chuam diak puai. Gamthim nasep chu Khrista chanchinpha kihiltua leh ginglotute kianga chanchinpha gen hi ahi. Mission chu gendan chi chuamchuam in a um in, George peters chun 'Bible ah Lal Jesu'n kochuamte kianga nasep' tin a gen kit hi. Abang chu hileh, a thiltup pi pen chu society kisangdanglamna, Pathian chu hiat leh chawihawi ah aum thei na dingin ahi.
Himaleh, mission chu hilchianna dinga itup pen chu ahileh kua hem khat gamthim ah chanchinpha thu gen leh gamthim nasep kekletna dinga panlak hi ahi. Zia ban kit ah chun, Thiamzilna, Pathian gam thu zilna, Thiamzilna mun leh a dangdang te hin panmun pawimaw tak mai anei hi. Mission & Evangelism Board/Committee thil mu lawk chu thiamzilna lam ah hunpha thasuaklo ah atam thei pen ah mat phatchuam guat ding hi ahi kit hi.
Mission & Evangelism thilmu leh nasepte chu :
- Committee chun taksa leh thagau lam ah khantouna ding dawina in 2017 kum in Tispari mission field ah mission school a phudawk in, zia chu 'Presbyterian Mission School' ti'n ko ahi. Motto chu 'Englightenment through education' mat ahi.
- Zia ban kit ah chun, Pathian ni sin leh Sunday School a um in, thupi chuamchuam puituten ahun siam uh haw chu zil sek ahi. Zia gual mabawka chun, Naupang sunday school union ten le amau houtu te chiat tawh Pathian thu zilna hun a mang sek ui.
